حذاء ميسي يثير الجدل في مصر

أثار ليونيل ميسي أفضل لاعب كرة قدم في العالم ردود فعل شاجبة في مصر لمبادرته في بيع حذائه من أجل مساعدة الفقراء في اطار العمل الخيري.

 النائب المصري سعيد حساسين خلع حذاءه على التلفزيون وأعلن أنه يقدمه لمساعدة فقراء الارجنتين .

وقال متهكما : "جزمة مين اللي تبيعها يا عم ميسي؟ وتجيب كام يعني؟ انت متعرفش أن ضفر أصغر طفل مصري يساوي الدنيا دي كلها؟ ... روح بيع جزمتك لنفسك أو احتفظ بيها لنفسك أو بيعها لإسرائيل."وأضاف :"يا عم ميسي مصر فيها 90 مليون مواطن محترم معاهم جزم برده بس مش للبيع لحاجات تانية.

أما  عزمي مجاهد مدير إدارة الإعلام في الاتحاد المصري لكرة القدم علق على خطوة حساسين واعتراضه على مبادرة ميسي قائلا على الهواء: "أنا في حيرة. هل النوايا صادقة أم أنه يقلل مننا بهذا الحذاء؟ وإذا كان بيقلل مننا فالحذاء على دماغه ودماغ اللي وراه. لا نحتاج إلى حذائه ولا نحتاج إلى إعانة لفقراء مصر من رجل يحمل الجنسية اليهودية أو الصهيونية."

 المذيعة منى الشرقاوي التي أجرت المقابلة مع ميسي ردّت على الانتقادات بأنّ الامر أسيئ فهمه مؤكدة بأن ميسي   لم يتبرع بحذائه لأعمال الخير في مصر.

وقالت في مداخلة هاتفية مع برنامج تلفزيوني يقدمه حارس مرمى مصر السابق أحمد شوبير على قناة صدى البلد الخاصة "أنا مش عارفة هما جابو الكلام ده كله منين؟ كل اللي حصل أن احنا عاملين حاجة في بعض حلقات البرنامج بتاعنا.

ان النجوم الكبار بيجيبوا حاجة تذكار أو حاجة مهمة في حياتهم المهنية وبيدهوالنا وبنعرضها في مزاد. الفلوس اللي بتطلع من المزاد احنا بنبعتها للنجم العالمي ده وهو بنفسه اللي بيحدد الجهة اللي هتروح ليها."وأضافت "لا ميسي قال لمصر ولا أنا قلت الفلوس هتروح لمصر ولا جبت سيرة مصر خالص. أنا مستغربة جدا من الناس اللي بتقعد تقولنا حاجات متقالتش أصلا."

ولم يعلق ميسي حتر الان على هذه الضجة الاعلامية في مصر.