نفي إصابة عادل إمام بألزهايمر

الأحد 18 أيلول 2022

نفي إصابة عادل إمام بألزهايمر

نفى شقيق عادل إمام الشائعات عن تدهور صحته.

قال المنتج المصري عصام إمام، شقيق الفنان المعروف عادل إمام إن الفنان المصري بصحة جيدة ولا صحة لما نُشر عن إصابته بمرض الزهايمر.

  كان الإعلامي المصري محمد الباز، قال في تصريحات تليفزيونية إن عادل إمام لن يعود للتمثيل، لأن حالته الصحية لا تسمح بهذا.

قال عصام إمام في تصريحات تليفزيونية: "أنا لسه سايب عادل من نص ساعة بعد ما قعدت معاه 3 ساعات، اتكلمنا في حاجات كتير وضحكنا.. القعدة مع الزعيم لا تخلو من الضحك".

كما تابع: "عادل قالي إنت ليه يا عصام بترد عليهم.. قلت له لازم أرد لأنهم بيقولوا إنك مصاب بالزهايمر.. فقالي ما هما موتوني قبل كده 5 ولا 6 مرات، فهنرد نقول إيه".

وانتهى المنتج عصام إمام، قائلاً: "جالي مكالمات من دول أوروبية بيطمنوا على الزعيم، وأنا بقول لكل الناس، الزعيم تمام وزي الفل".

كذلك وفي تصريحات لـ"المصرى اليوم" قال عصام إمام: "عادل إمام الحمد لله كويس وبخير وأنا مش عارف أقول إيه، ربنا يهدي النفوس المريضة اللي كل شوية بيطلعوا عليه كلام محصلش ولا ليه أي أساس من الصحة".

أضاف عصام إمام، حول رد فعل شقيقه الفنان عادل إمام بعد تلك الشائعات المتداولة عنه: "عادل إمام لما عرف عن الموضوع قالي إحنا اتعودنا على الشائعات دي وعادل مقاليش إنه عايز يظهر قريب ولا يرد وبيفضل السكوت".

عادل إمام من مواليد 1940، عمره 82 سنة.

 

  

 

أحدث الأخبار السبّاقة